خاطري يشكي آلامه !

خـاطــري يشكي آلامه !

مسكين!
شكثر تمر أيام وسنين .. والعمر بين دمعة وحنين ..
تنزل مثل المطر دموع .. على الخدين ..
يصرخ القلب يا ناس .. داروني أنا المسكين ..

قلبي وين مكانه؟!
كل شي له ضوا يداريه في ظلامه ...
كل شي له سما تحضنها وقت الضيق والملامه ..
كل شي يحتاج الهوا والماي ...
كل شي يعرف مكانه ...
بس قلبي في زمانه ما عرف وين مكانه ...

يظن فيني !
يحسبني أنسى الجرح .. وأنسى تعب الأيام والعمر ؟!
يحسبني قاسي القلب وعديم إحساس ..
يظن فيني !!
ويظل يطعن بصفا قلبي ..
شكيت الحال لربي ..
ورفعت راسي من هم الدنيا ..
من هم علان وفلان ..
من كلمة إنسان عاش العمر كله بلا إحساس ..
من صرخة طيف ظل يمر قدام عيني ..
لحظة يرفع الجفن ويمسح دموعي ..
ولحظة يرمي السهم بعيوني ..

صعب !
صعب على إنسان مثلي .. يذوب بهوى حبك وينسى إخلاصه ..
صعب على إنسان مثلي .. يجرحك وينسى مداواتك ..
صعب على إنسان مثلي .. لا مات يودعك وما ينظرك ..
صعب على إنسان مثلي .. يسمع كلام الناس عنك وما يحبك ..
صعب على إنسان مثلي نولد وهو يلمك ..
ينساك ..؟
حاشاك ..
ينسى الدنيا والخلان والأصحاب ..
تالي العمر والله تنساه ..
هو يدري انك بتنساه ..
ورغم الي يدري فيه .. يزيد حبه ويغليك على من سماهم بشر في دنيته..
لا تقول جمالي حببني فيه ..ولا تقول مالي ولا دلالي ..
ترى ما فيك شيء .. غير انه قلبي اختارك..
الهوى يا خلي ما هو كلمة تنقال .. ولا نظرة بالزمن تنعاد ..
الهوى شيء أكبر ..
ما ينوصف بحبر مكتوب ..
ولا بقمر يضوي الدروب ..
ولا بشمس تنثر أشعتها في كل يوم دوم ...
لا يخلي الحب لمن يجيك الموت ما تلاقي إلا إلي حبيته يوقف ويخطب في ذاك الملك .. ويقوله بروح : أنا يا موت بدونه ما أعيش ..
خذني وياه أو بداله ..
أنا يا موت بدون قلبي ما أعيش ..
خله لا تبعده عني ..
وان بعدته أبعد بدنيتي وأجايك ..
يا موت خله .. أو خذني ...
وان بغيت ولا لحظة بدونه أعيش !

تعلمت منها ومن أهلها ومن هؤلاء الذين مضوا بلا اكتراث عني ..
تعلمتُ أن أتنفسَ دُخانها بصمت وألتحف بسمائها الخالية بوجع .. تعلمتُ أن أمسكَ بروحي وأرحل ..
وأشكل حياتي كما أراد ملاكي تماماً ..
لأنني ببساطة (أحبهُ ) ويا ليتني لم أعرف طريقه !