الثلاثاء، 8 فبراير 2011

ثرثرة لا أكثر !


ثرثرة لا أكثر !
يا هو ضيق في صدري ..
لا تسألوني عن الأسباب ..
ترى قلبي من الهم ورا الباب صار محتار ..
ينتظر عودة الأحباب ..
طول الليل أناغيه ما يسمعني ..
وإن تكلم صار يبجي بلا حساب ..
أدري فيه تعبان ومن الشوق حيل ذبلان ..
أدري فيه تغير وما عاد يفهمني مثل ما كان ..
أدري قسوة زمانه لعبت الأدوار ..
مرة تجيه صدمة فراق إنسان ومرة تجيه خذلان ..
ودي أرجعه بحضني مثل ذيك الأيام ..
دوم نتكلم .. وكل واحد فينا يفضفض الأحزان ..
بس اليوم تراوالي مهموم وشقيان ..
يا قلبي ما تعلمت تكتم الأحزان !!
تراني مثلك بس الدنيا علمتني الصبر أدوره وين ما كان
اسمح لي يا قلبي ..
تراها عيوني تعبت ..
وصارت ما ترمش إلا صور وأيام ..
أخاف من الهم تفقد رمشها ..
وتاليها يا قلبي ..
ما ترجع لي أحباب ..
اسمعني لو مرة .. ترى نبضي صار يسألني وأنا حاير بلا جواب ..
شقول وعمري كلما مر دار دارت الأفكار ..
تدري ..
أنا مليت أسلي روحي على هواك ..
أقول اليوم وإلا باجر بترجع لي مثل ذيك الأزمان ..
حسافة .. حسافة .. يا قلبي ..
لا توجعني أكثر ..
تراني بعد فراق الغالي صرت مكسور ..
وتفتت صبري مع الأيام ..
تدري لا إنت ولا صديق ولا صاحب ولا أبو  يضمني بالأحضان..
لا تصير قاسي أكثر ..
ما تخاف تفقدني بهالحظة وتصير تبجي
 وما تلاقي من تمسح دموعك قبل لا تنام !!

هناك تعليق واحد:

غير معرف يقول...

جميلة هي الثرثرة، ولا أكثر ان كنت انت صاحبتها..